jazba-e-dard-e-mohabbat ne agar sath diya

jazba-e-dard-e-mohabbat ne agar saath diyā

baat ban jā.egī qismat ne agar saath diyā

aap uTheñge kab āġhosh-e-tamannā se mirī

zindagī kā shab-e-furqat ne agar saath diyā

saath degī na kabhī merī mohabbat merā

aap kī chashm-e-ināyat ne agar saath diyā

nahīñ ma.alūm ki anjām-e-mohabbat kyā ho

ġham kā ḳhud ġham kī haqīqat ne agar saath diyā

kahīñ gumnām na ho jaa.eñ vafā meñ merī

merī rusvā.ī kī shohrat ne agar saath diyā

bad-gumānī meñ mohabbat kā izāfa hogā

ḳhud mirā merī musībat ne agar saath diyā

chain se hogī basar apnī judā.ī meñ 'shajī.a'

un nigāhoñ kī sharārat ne agar saath diyā

jazba-e-dard-e-mohabbat ne agar sath diya

baat ban jaegi qismat ne agar sath diya

aap uThenge kab aaghosh-e-tamanna se meri

zindagi ka shab-e-furqat ne agar sath diya

sath degi na kabhi meri mohabbat mera

aap ki chashm-e-inayat ne agar sath diya

nahin malum ki anjam-e-mohabbat kya ho

gham ka KHud gham ki haqiqat ne agar sath diya

kahin gumnam na ho jaen wafa mein meri

meri ruswai ki shohrat ne agar sath diya

bad-gumani mein mohabbat ka izafa hoga

KHud mera meri musibat ne agar sath diya

chain se hogi basar apni judai mein 'shajia'

un nigahon ki shararat ne agar sath diya