jazba-e-ishq ka izhaar na hone pae

jazba-e-ishq kā iz.hār na hone paa.e

husn rusvā sar-e-bāzār na hone paa.e

muddatoñ mahfil-e-sāqī meñ rahe haiñ lekin

jaam chhūne ke gunahgār na hone paa.e

bazm-e-ahbāb meñ aayā huuñ magar Dar ye hai

koī fitna pas-e-dīvār na hone paa.e

aao ta.amīr kareñ aisā mohabbat kā makān

vaqt ke hāthoñ jo mismār na hone paa.e

jin ke sīnoñ meñ mohabbat kī kiran thī 'anjum'

ḳhvāhishoñ meñ vo giraftār na hone paa.e

jazba-e-ishq ka izhaar na hone pae

husn ruswa sar-e-bazar na hone pae

muddaton mahfil-e-saqi mein rahe hain lekin

jam chhune ke gunahgar na hone pae

bazm-e-ahbab mein aaya hun magar Dar ye hai

koi fitna pas-e-diwar na hone pae

aao tamir karen aisa mohabbat ka makan

waqt ke hathon jo mismar na hone pae

jin ke sinon mein mohabbat ki kiran thi 'anjum'

KHwahishon mein wo giraftar na hone pae