jeb meñ kauḌī nahīñ ghar meñ nahīñ daane kā naam
saale sasure haiñ ki lete hī nahīñ jaane kā naam
is se baḌh kar aur kyā hogā sharāfat kā subūt
bārah thānoñ par likhā hai tere dīvāne kā naam
maar kar DanDe bhagā.ī jā rahī hai rāt-din
aur girānī mulk se letī nahīñ jaane kā naam
sham.a apne husn kā kartī hai advertise ḳhud
muft meñ badnām kar detī hai parvāne kā naam
ik nazar se sab ko dekhe hai koī is daur meñ
saarī duniyā kī zabāñ par aa.egā kaane kā naam
board paḌh paate nahīñ vaa.iz palaT jaate haiñ ghar
maddhushālā ho gayā hai jab se maiḳhāne kā naam
ham to 'nāvak' āshiqī meñ jaan de sakte nahīñ
un ke muñh par le liyā karte haiñ mar jaane kā naam
jeb mein kauDi nahin ghar mein nahin dane ka nam
sale sasure hain ki lete hi nahin jaane ka nam
is se baDh kar aur kya hoga sharafat ka subut
barah thanon par likha hai tere diwane ka nam
mar kar DanDe bhagai ja rahi hai raat-din
aur girani mulk se leti nahin jaane ka nam
shama apne husn ka karti hai adwertise KHud
muft mein badnam kar deti hai parwane ka nam
ek nazar se sab ko dekhe hai koi is daur mein
sari duniya ki zaban par aaega kane ka nam
board paDh pate nahin waiz palaT jate hain ghar
maddhushaala ho gaya hai jab se maiKHane ka nam
hum to 'nawak' aashiqi mein jaan de sakte nahin
un ke munh par le liya karte hain mar jaane ka nam
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.