jhil ke par dhanak-rang saman hai kaisa

Nusrat Gwaliari

jhil ke par dhanak-rang saman hai kaisa

Nusrat Gwaliari

MORE BYNusrat Gwaliari

    jhiil ke paar dhanak-rañg samāñ hai kaisā

    jhilmilātā huā vo aks vahāñ hai kaisā

    jalte bujhte hue fānūs haiñ manzar manzar

    naqsh-dar-naqsh vo miT kar bhī ayaañ hai kaisā

    kitne alfāz-o-ma.ānī ke varaq khulte haiñ

    mere andar ye kitāboñ jahāñ hai kaisā

    mujh meñ ab merī jagah aur koī hai shāyad

    kuchh samajh meñ nahīñ aatā ye gumāñ hai kaisā

    shahr se lauT ke ghar qarz chukānā hai mujhe

    kaise likkhūñ ki mirā haal yahāñ hai kaisā

    kis ne Daalī hai fazāoñ pe ye mailī chādar

    shab ke māthe pe lahū-rañg nishāñ hai kaisā

    muTThiyāñ bhej ke ham log rahe haiñ kab se

    duur tak aag jañgal hai samāñ hai kaisā

    mere ajdād ke to ḳhvāb yahāñ dafn nahīñ

    ye havelī ye pur-asrār dhuāñ hai kaisā

    qabreñ bhī us meñ nahīñ tāj-mahal sūrat

    koī ābād nahīñ hai ye makāñ hai kaisā

    jhil ke par dhanak-rang saman hai kaisa

    jhilmilata hua wo aks wahan hai kaisa

    jalte bujhte hue fanus hain manzar manzar

    naqsh-dar-naqsh wo miT kar bhi ayan hai kaisa

    kitne alfaz-o-maani ke waraq khulte hain

    mere andar ye kitabon ka jahan hai kaisa

    mujh mein ab meri jagah aur koi hai shayad

    kuchh samajh mein nahin aata ye guman hai kaisa

    shahr se lauT ke ghar qarz chukana hai mujhe

    kaise likkhun ki mera haal yahan hai kaisa

    kis ne Dali hai fazaon pe ye maili chadar

    shab ke mathe pe lahu-rang nishan hai kaisa

    muTThiyan bhej ke hum log rahe hain kab se

    dur tak aag ka jangal hai saman hai kaisa

    mere ajdad ke to KHwab yahan dafn nahin

    ye haweli ye pur-asrar dhuan hai kaisa

    qabren bhi us mein nahin taj-mahal ki surat

    koi aabaad nahin hai ye makan hai kaisa

    Source :
    • Book : Sab Khwab (Pg. 17)
    • Author : Nusrat Gwaliory
    • Publication : Nusrat Gwaliory, Tahzeeb Urdu 5071, Kucha Rahman Pandit, Chandni Chouck, Delhi (1998)
    • Edition : 1998
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY