jhuka jhuka bhi nahin tha khaDa khaDa bhi nahin

jhukā jhukā bhī nahīñ thā khaḌā khaḌā bhī nahīñ

vo aadmī nahīñ 'taslīm' to ḳhudā bhī nahīñ

har ik sadā kā ta.āqub bhī kartā rahtā hai

vo shaḳhs shahr meñ vaise nayā nayā bhī nahīñ

mire ḳhayāl kā darvāza khaTkhaTātā hai

vo ek shaḳhs jo mujh se kabhī milā bhī nahīñ

maiñ tere jism kī chaukhaT pe ruk gayā aakar

mirī nigāh kī taḳhtī pe kuchh likhā bhī nahīñ

maiñ apne aap meñ ik ajnabī jazīra huuñ

kisī ke paañv ke nīche kabhī paḌā bhī nahīñ

zabān apnī lahū apnā tishnagī apnī

kisī ḳhalīq-e-samundar kā aasrā bhī nahīñ

mire vajūd kī jholī meñ Dāltā kyā vo

siyāh raat kī dahlīz pe milā bhī nahīñ

jhuka jhuka bhi nahin tha khaDa khaDa bhi nahin

wo aadmi nahin 'taslim' to KHuda bhi nahin

har ek sada ka taaqub bhi karta rahta hai

wo shaKHs shahr mein waise naya naya bhi nahin

mere KHayal ka darwaza khaTkhaTata hai

wo ek shaKHs jo mujh se kabhi mila bhi nahin

main tere jism ki chaukhaT pe ruk gaya aakar

meri nigah ki taKHti pe kuchh likha bhi nahin

main apne aap mein ek ajnabi jazira hun

kisi ke panw ke niche kabhi paDa bhi nahin

zaban apni lahu apna tishnagi apni

kisi KHaliq-e-samundar ka aasra bhi nahin

mere wajud ki jholi mein Dalta kya wo

siyah raat ki dahliz pe mila bhi nahin