jhuuT kā bhaav kyā baḌhāyā hai
har koī sach ḳharīd laayā hai
kāñch honā mirā jatāyā hai
mujh se patthar ne zaḳhm khāyā hai
jis pe mandir kā qarz baaqī thā
tū ne mimbar pe lā biThāyā hai
maiñ nikal jā.ūñ ka.abe se achchhā
ye tire baap ne banāyā hai
ye bhī dukh hai ki us ne jaate hue
mujh se pūchhā nahīñ batāyā hai
shaiḳh-zādī kā dil rakhe ḳhātir
maiñ ne hūroñ kā dil dukhāyā hai
jhuT ka bhaw kya baDhaya hai
har koi sach KHarid laya hai
kanch hona mera jataya hai
mujh se patthar ne zaKHm khaya hai
jis pe mandir ka qarz baqi tha
tu ne mimbar pe la biThaya hai
main nikal jaun kabe se achchha
ye tere bap ne banaya hai
ye bhi dukh hai ki us ne jate hue
mujh se puchha nahin bataya hai
shaiKH-zadi ka dil rakhe KHatir
main ne huron ka dil dukhaya hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.