jhuT ki manDi mein sach le kar aaya hai

jhuuT kī manDī meñ sach le kar aaya hai

sach kahnā kis ne tujh ko bahkāyā hai

raat ga.e aahaT sun kar kyoñ dhaḌkā hai

ai mere dil aisā kyā yaad aaya hai

sachchā hai to Dar kaisā hai khul kar bol

ā.īne ko dekh ke kyoñ sharmāyā hai

maañg rahā hai mujh se mujh ko vo kuchh yuuñ

har jumle meñ dhamkī kā rang aaya hai

zulm ko hī insāf kahā jaa.e ab se

rāj-mahal se ye sandesa aaya hai

sūraj ko gar us se matlab koī nahīñ

chāñd kā chehra phir kis ne jhulsāyā hai

jangal meñ ab us kā kyā thā so thak kar

aaj parinda pinjre meñ lauT aaya hai

jhuT ki manDi mein sach le kar aaya hai

sach kahna kis ne tujh ko bahkaya hai

raat gae aahaT sun kar kyon dhaDka hai

ai mere dil aisa kya yaad aaya hai

sachcha hai to Dar kaisa hai khul kar bol

aaine ko dekh ke kyon sharmaya hai

mang raha hai mujh se mujh ko wo kuchh yun

har jumle mein dhamki ka rang aaya hai

zulm ko hi insaf kaha jae ab se

raj-mahal se ye sandesa aaya hai

suraj ko gar us se matlab koi nahin

chand ka chehra phir kis ne jhulsaya hai

jangal mein ab us ka kya tha so thak kar

aaj parinda pinjre mein lauT aaya hai