jhuTi haqiqaton ki tarah log mar gae

jhūTī haqīqatoñ kī tarah log mar ga.e

lekin diloñ pe naqsh vo tasvīr kar ga.e

samjheñge apnī 'umr kā qissa tamām hai

rang-e-ḳhizāñ ko dekh ke jis roz Dar ga.e

sab ko jalā ke raakh huī mausamoñ kī aag

sab ko Dubo ke dekhiye dariyā utar ga.e

chiḌiyoñ ne jis pe aas ke Dere jamā.e the

nangī haiñ us kī Dāliyāñ patte bikhar ga.e

'fikrī' barastī shaam sī hai dopahar magar

niklī zarā sī dhuup to chehre nikhar ga.e

jhuTi haqiqaton ki tarah log mar gae

lekin dilon pe naqsh wo taswir kar gae

samjhenge apni 'umr ka qissa tamam hai

rang-e-KHizan ko dekh ke jis roz Dar gae

sab ko jala ke rakh hui mausamon ki aag

sab ko Dubo ke dekhiye dariya utar gae

chiDiyon ne jis pe aas ke Dere jamae the

nangi hain us ki Daliyan patte bikhar gae

'fikri' barasti sham si hai dopahar magar

nikli zara si dhup to chehre nikhar gae