jiddaten dekhiye sahra mein bhi diwanon ki

jiddateñ dekhiye sahrā meñ bhī dīvānoñ kī

roz ik vaz.a badalte haiñ garebānoñ kī

be-ruḳhī dekhiye khiñchte hue paikānoñ kī

bastiyāñ luuTe liye jaate haiñ armānoñ kī

aaj ham ro.e bahut dekh ke tasvīr-e-bahār

yaad taaza huī bhūle hue afsānoñ kī

kījiye sāl-girah fasl-e-bahār aa pahuñchī

beḌiyāñ phir se badalvā.iye dīvānoñ kī

man.a karte the gire aañkh se kyoñ ashk-e-'rashīd'

aabrū khoī chhalakte hue paimānoñ kī

jiddaten dekhiye sahra mein bhi diwanon ki

roz ek waza badalte hain garebanon ki

be-ruKHi dekhiye khinchte hue paikanon ki

bastiyan luTe liye jate hain armanon ki

aaj hum roe bahut dekh ke taswir-e-bahaar

yaad taza hui bhule hue afsanon ki

kijiye sal-girah fasl-e-bahaar aa pahunchi

beDiyan phir se badalwaiye diwanon ki

mana karte the gire aankh se kyon ashk-e-'rashid'

aabru khoi chhalakte hue paimanon ki