jigar ki aag bujhe jis se jald wo shai la
jigar ki aag bujhe jis se jald wo shai la
Insha Allah Khan Insha
MORE BYInsha Allah Khan Insha
jigar kī aag bujhe jis se jald vo shai lā
lagā ke barf meñ saaqī surāhī-e-mai lā
qadam ko haath lagātā huuñ uTh kahīñ ghar chal
ḳhudā ke vāste itne to paañv mat phailā
nikal ke vādī-e-vahshat se dekh ai majnūñ
ki kaisī dhuum se aatā hai nāqa-e-lailā
girā jo haath se farhād ke kahīñ tesha
darūn-e-koh se niklī sadā-e-vāvailā
nazākat is gul-e-ra.anā kī dekhiyo 'inshā'
nasīm-e-sub.h jo chhū jaa.e rañg ho mailā
jigar ki aag bujhe jis se jald wo shai la
laga ke barf mein saqi surahi-e-mai la
qadam ko hath lagata hun uTh kahin ghar chal
KHuda ke waste itne to panw mat phaila
nikal ke wadi-e-wahshat se dekh ai majnun
ki kaisi dhum se aata hai naqa-e-laila
gira jo hath se farhad ke kahin tesha
darun-e-koh se nikli sada-e-wawaila
nazakat is gul-e-rana ki dekhiyo 'insha'
nasim-e-subh jo chhu jae rang ho maila
Source:
Kulliyat-e-InshaáVolume-001â (Pg. e-74 p-6)
- Author: Insha Allah Khan Insha
-
- Edition: 1969
- Publisher: Syed Imtiyaz Ali Taj
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
