jigar ko KHun kiye dil ko be-qarar abhi

jigar ko ḳhuun kiye dil ko be-qarār abhī

bhaTak rahe haiñ tire ishq meñ hazār abhī

isī liye to ye duniyā dhulī dhulī sī lage

tire firāq meñ ro.e haiñ zār-zār abhī

adā-e-ḳhār se gulshan kī baḌh ga.ī zīnat

agarche phūloñ ke dāman haiñ taar taar abhī

siyāh-baḳht fazāoñ meñ dil huā bad-zan

tirī zabān ke tevar haiñ āb-dār abhī

abhī na niklegā hāsil hamārī bātoñ kā

tumhāre sar pe hai saaya koī savār abhī

ye dekhte haiñ ki kal rañg-e-sub.h kyā hogā

ki āftāb kā 'ālam' hai intizār abhī

jigar ko KHun kiye dil ko be-qarar abhi

bhaTak rahe hain tere ishq mein hazar abhi

isi liye to ye duniya dhuli dhuli si lage

tere firaq mein roe hain zar-zar abhi

ada-e-KHar se gulshan ki baDh gai zinat

agarche phulon ke daman hain tar tar abhi

siyah-baKHt fazaon mein dil hua bad-zan

teri zaban ke tewar hain aab-dar abhi

abhi na niklega hasil hamari baaton ka

tumhaare sar pe hai saya koi sawar abhi

ye dekhte hain ki kal rang-e-subh kya hoga

ki aaftab ka 'alam' hai intizar abhi