jī jā.ūñ jo band nātiqa ho
ḳhāmosh kahīñ ye boltā ho
jāñbāz jo taraddud bhī tirā ho
sau baar mare phir uTh khaḌā ho
zarre meñ ho nūr-e-mahr-vash
terā jo karam ho kyā se kyā ho
khul jaa.eñ hazāroñ kūcha-e-zaḳhm
talvār chale to rāsta ho
zulfoñ pe jo us ke mar miTā huuñ
turbat pe daraḳht jaal kā ho
ghaḌiyoñ ke haiñ pur-ġhubār shīshe
miTTī koī dil na ho gayā ho
rañgīn ho qabā-e-tan lahū se
jogī huuñ libās gerua ho
baḳhshe jo falak ġham-e-zamāna
ġham-ḳhvār vo huuñ ki nāshtā ho
saanī hai tirā muhāl ai but
paidā na ḳhudā kā dūsrā ho
tan-e-ḳhāk ho huuñ vo saaf tīnat
melā na kafan kā roñgTā ho
vo bosa-e-lab mujhe ki dushnām
darvesh huuñ kuchh mile bhalā ho
yuuñ ai tap-e-ġham jalā sarāpā
sar-tā-qadam ik aabla ho
ai dast-e-ḳhudā jo haath kī hai
hai 'shād' shikasta-pā nayā ho
ji jaun jo band natiqa ho
KHamosh kahin ye bolta ho
jaanbaz jo taraddud bhi tera ho
sau bar mare phir uTh khaDa ho
zarre mein ho nur-e-mahr-wash
tera jo karam ho kya se kya ho
khul jaen hazaron kucha-e-zaKHm
talwar chale to rasta ho
zulfon pe jo us ke mar miTa hun
turbat pe daraKHt jal ka ho
ghaDiyon ke hain pur-ghubar shishe
miTTi koi dil na ho gaya ho
rangin ho qaba-e-tan lahu se
jogi hun libas gerua ho
baKHshe jo falak gham-e-zamana
gham-KHwar wo hun ki nashta ho
sani hai tera muhaal ai but
paida na KHuda ka dusra ho
tan-e-KHak ho hun wo saf tinat
mela na kafan ka rongTa ho
wo bosa-e-lab mujhe ki dushnam
darwesh hun kuchh mile bhala ho
yun ai tap-e-gham jala sarapa
sar-ta-qadam ek aabla ho
ai dast-e-KHuda jo hath ki hai
hai 'shad' shikasta-pa naya ho
Source:
Sukhan-e-Bemisal: Deewan-e-Shad (pdf) and website (Pg. p-82 e-88 pdf-89)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.