ji ka janjal hai ishq miyan qissa ye tamam karo wali

Wali Aasi

ji ka janjal hai ishq miyan qissa ye tamam karo wali

Wali Aasi

MORE BYWali Aasi

    janjāl hai ishq miyāñ qissa ye tamām karo 'vālī'

    baḌī raat ga.ī ab so jaao kuchh der ārām karo 'vālī'

    sab jāgne vaale rātoñ ke shab-zinda-dār nahīñ hote

    tum apne saath meñ auroñ kyuuñ niiñd harām karo 'vālī'

    sab bichhḌe sāthī mil jaa.eñ murjhā.eñ chehre khil jaa.eñ

    sab chaak diloñ ke sil jaa.eñ koī aisā kaam karo 'vālī'

    kyuuñ ghabrā.e ghabrā.e ho kyuuñ uktā.e uktā.e ho

    ik muddat ke ba.ad aa.e ho kuchh din to qayām karo 'vālī'

    ham daarā haiñ na sikandar haiñ darvesh haiñ mast qalandar haiñ

    chāho to hamāre saath basar tum bhī ik shaam karo 'vālī'

    jab bhuul ga.e tum yāroñ ko apne pyāroñ dil-dāroñ ko

    phir shahr ke mansab-dāroñ ko jhuk ke salām karo 'vālī'

    tum nāhaq bhes badalte ho ham ko yūñhī achchhe lagte ho

    kyuuñ qashqa khīñcho dair meñ baiTho tark-e-islām karo 'vālī'

    ji ka janjal hai ishq miyan qissa ye tamam karo 'wali'

    baDi raat gai ab so jao kuchh der aaram karo 'wali'

    sab jagne wale raaton ke shab-zinda-dar nahin hote

    tum apne sath mein auron ki kyun nind haram karo 'wali'

    sab bichhDe sathi mil jaen murjhaen chehre khil jaen

    sab chaak dilon ke sil jaen koi aisa kaam karo 'wali'

    kyun ghabrae ghabrae ho kyun uktae uktae ho

    ek muddat ke baad aae ho kuchh din to qayam karo 'wali'

    hum dara hain na sikandar hain darwesh hain mast qalandar hain

    chaho to hamare sath basar tum bhi ek sham karo 'wali'

    jab bhul gae tum yaron ko apne pyaron dil-daron ko

    phir shahr ke mansab-daron ko jhuk ke salam karo 'wali'

    tum nahaq bhes badalte ho hum ko yunhi achchhe lagte ho

    kyun qashqa khincho dair mein baiTho tark-e-islam karo 'wali'

    Source:

    • Book : Karwaan-e-Ghazal (Pg. 310)
    • Author : Farooq Argali
    • Publication : Farid Book Depot (Pvt.) Ltd (2004)
    • Edition : 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY