ji rahe hain aaj-kal sab aadmi rote hue

jī rahe haiñ āj-kal sab aadmī rote hue

kaaT lī ham ne bhī apnī zindagī rote hue

hai ‘atā-karda usī kī zindagī ye aap kī

kījiye apne ḳhudā kī bandagī rote hue

tū ne hālat par hamārī rahm kuchh khāyā nahīñ

vaqt-e-furqat diid kī ham ne tirī rote hue

aap Thahre chārāgar par aap ke bīmāroñ ko

dekhne vāloñ ne dekhā har ghaḌī rote hue

ek din ham ko hamāre ghar se kar deñge vidā'

kyā parā.e aur kyā apne sabhī rote hue

haañ magar is kā mudāvā karne se 'ājiz rahe

sab ne 'nāzāñ' dāstān-e-ġham sunī rote hue

ji rahe hain aaj-kal sab aadmi rote hue

kaT li hum ne bhi apni zindagi rote hue

hai ‘ata-karda usi ki zindagi ye aap ki

kijiye apne KHuda ki bandagi rote hue

tu ne haalat par hamari rahm kuchh khaya nahin

waqt-e-furqat did ki hum ne teri rote hue

aap Thahre chaaragar par aap ke bimaron ko

dekhne walon ne dekha har ghaDi rote hue

ek din hum ko hamare ghar se kar denge wida'

kya parae aur kya apne sabhi rote hue

han magar is ka mudawa karne se 'ajiz rahe

sab ne 'nazan' dastan-e-gham suni rote hue