jina mushkil hai yahan aasan sab se KHud-kushi

jiinā mushkil hai yahāñ āsān sab se ḳhud-kushī

is liye lagtī bhalī hai zindagī se ḳhud-kushī

ishq to ab naam hai is kā thā pahle ḳhud-kushī

ishq karne vāloñ ko miltī hai rāh-e-ḳhud-kushī

kaun detā hai kisī ko hausla yaañ jiine kā

kah rahe ik dūsre ko kar le pyāre ḳhud-kushī

ek muddat baa'd aa.e aaj vo mahfil meñ jab

zindagī thī sāmne phir kaise karte ḳhud-kushī

zindagī ke tajribe kaise mile yaañ par 'shakeb'

jo ki āḳhir ḳhud se ik din kar lī tum ne ḳhud-kushī

tan kisī ke paas hai to dil kisī ke saath meñ

sej par baiThe hue vo kar rahe haiñ ḳhud-kushī

jiine kī hasrat nahīñ rasta yā manzil bhī nahīñ

jī rahe haiñ is tarah behtar thī is se ḳhud-kushī

qatra qatra marne se ‘mādhav’ hai behtar bas yahī

sochtā huuñ maiñ lagā luuñ ab gale se ḳhud-kushī

jina mushkil hai yahan aasan sab se KHud-kushi

is liye lagti bhali hai zindagi se KHud-kushi

ishq to ab nam hai is ka tha pahle KHud-kushi

ishq karne walon ko milti hai rah-e-KHud-kushi

kaun deta hai kisi ko hausla yan jine ka

kah rahe ek dusre ko kar le pyare KHud-kushi

ek muddat ba'd aae aaj wo mahfil mein jab

zindagi thi samne phir kaise karte KHud-kushi

zindagi ke tajribe kaise mile yan par 'shakeb'

jo ki aaKHir KHud se ek din kar li tum ne KHud-kushi

tan kisi ke pas hai to dil kisi ke sath mein

sej par baiThe hue wo kar rahe hain KHud-kushi

jine ki hasrat nahin rasta ya manzil bhi nahin

ji rahe hain is tarah behtar thi is se KHud-kushi

qatra qatra marne se ‘madhaw’ hai behtar bas yahi

sochta hun main laga lun ab gale se KHud-kushi