jite-ji mere har ek mujh pe hi tanqid kare

jīte-jī mere har ik mujh pe hī tanqīd kare

aur mar jā.ūñ to duniyā mirī taqlīd kare

maiñ to kahtā huuñ ki tum abr-e-karam ho lekin

kaash sahrā mire alfāz kī tā.īd kare

jab har ik baat nihāñ tishna-e-takmīl rahe

phir kare koī to kyā jur.at-e-tam.hīd kare

pahle har shaḳhs garebān meñ apne jhāñke

phir ba-sad-shauq kisī aur pe tanqīd kare

maiñ samajhtā huuñ ki mujh sā koī maġhmūm nahīñ

haal har shaḳhs kā lekin mirī tardīd kare

maiñ hī ab zahr piye letā huuñ sach kī ḳhātir

koī to sunnat-e-suqrāt kī tajdīd kare

vo marī jur.at-e-parvāz ko kyā samjhegā

jo fazāoñ ko muhīt-e-mah-o-ḳhurshīd kare

jite-ji mere har ek mujh pe hi tanqid kare

aur mar jaun to duniya meri taqlid kare

main to kahta hun ki tum abr-e-karam ho lekin

kash sahra mere alfaz ki taid kare

jab har ek baat nihan tishna-e-takmil rahe

phir kare koi to kya jurat-e-tamhid kare

pahle har shaKHs gareban mein apne jhanke

phir ba-sad-shauq kisi aur pe tanqid kare

main samajhta hun ki mujh sa koi maghmum nahin

haal har shaKHs ka lekin meri tardid kare

main hi ab zahr piye leta hun sach ki KHatir

koi to sunnat-e-suqraat ki tajdid kare

wo mari jurat-e-parwaz ko kya samjhega

jo fazaon ko muhit-e-mah-o-KHurshid kare