jin jinko tha ye ishq ka aazar mar gae

Meer Taqi Meer

jin jinko tha ye ishq ka aazar mar gae

Meer Taqi Meer

MORE BYMeer Taqi Meer

    jin jin ko thā ye ishq āzār mar ga.e

    aksar hamāre saath ke bīmār mar ga.e

    hotā nahīñ hai us lab-e-nau-ḳhat pe koī sabz

    iisā o ḳhizr kyā sabhī yak-bār mar ga.e

    yuuñ kānoñ-kān gul ne na jaanā chaman meñ aah

    sar ko paTak ke ham pas-e-dīvār mar ga.e

    sad kārvāñ vafā hai koī pūchhtā nahīñ

    goyā matā-e-dil ke ḳharīdār mar ga.e

    majnūñ na dasht meñ hai na farhād koh meñ

    thā jin se lutf-e-zindagī ve yaar mar ga.e

    gar zindagī yahī hai jo karte haiñ ham asiir

    to ve ga.e jo giraftār mar ga.e

    afsos ve shahīd ki jo qatl-gāh meñ

    lagte us ke haath talvār mar ga.e

    tujh se do-chār hone hasrat ke mubtilā

    jab hue vabāl to nā-chār mar ga.e

    ghabrā na 'mīr' ishq meñ us sahal-e-zīst par

    jab bas chalā na kuchh to mire yaar mar ga.e

    jin jin ko tha ye ishq ka aazar mar gae

    aksar hamare sath ke bimar mar gae

    hota nahin hai us lab-e-nau-KHat pe koi sabz

    isa o KHizr kya sabhi yak-bar mar gae

    yun kanon-kan gul ne na jaana chaman mein aah

    sar ko paTak ke hum pas-e-diwar mar gae

    sad karwan wafa hai koi puchhta nahin

    goya mata-e-dil ke KHaridar mar gae

    majnun na dasht mein hai na farhad koh mein

    tha jin se lutf-e-zindagi we yar mar gae

    gar zindagi yahi hai jo karte hain hum asir

    to we hi ji gae jo giraftar mar gae

    afsos we shahid ki jo qatl-gah mein

    lagte hi us ke hath ki talwar mar gae

    tujh se do-chaar hone ki hasrat ke mubtila

    jab ji hue wabaal to na-chaar mar gae

    ghabra na 'mir' ishq mein us sahal-e-zist par

    jab bas chala na kuchh to mere yar mar gae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY