jinko apni rahon mein diqqaten nahin milti

jin ko apnī rāhoñ meñ diqqateñ nahīñ miltī

un ko apnī manzil kī sohbateñ nahīñ miltī

ḳhuun mere siine kā aañkh tak nahīñ aayā

itnī jald ġhazloñ ko shohrateñ nahīñ miltī

duur rah ke vo mujh se thā qarīb-tar kitnā

paas rah ke kyuuñ us kī qurbateñ nahīñ miltīñ

ik pukār sunte hī jā rahā huuñ maqtal meñ

roz roz dushman kī dāvateñ nahīñ miltīñ

jis ke dil meñ rahtī hai sirf aap kī sūrat

us ko rāh-e-duniyā kī āfateñ nahīñ miltīñ

ham ko mil ga.ī hotī apne 'ishq kī manzil

gar hameñ ye duniyā kī tohmateñ nahīñ miltīñ

apnī dhun ke 'rāhī' ko raah kyā batāte ho

ham se terī duniyā kī ādateñ nahīñ miltīñ

jin ko apni rahon mein diqqaten nahin milti

un ko apni manzil ki sohbaten nahin milti

KHun mere sine ka aankh tak nahin aaya

itni jald ghazlon ko shohraten nahin milti

dur rah ke wo mujh se tha qarib-tar kitna

pas rah ke kyun us ki qurbaten nahin miltin

ek pukar sunte hi ja raha hun maqtal mein

roz roz dushman ki dawaten nahin miltin

jis ke dil mein rahti hai sirf aap ki surat

us ko rah-e-duniya ki aafaten nahin miltin

hum ko mil gai hoti apne 'ishq ki manzil

gar hamein ye duniya ki tohmaten nahin miltin

apni dhun ke 'rahi' ko rah kya batate ho

hum se teri duniya ki aadaten nahin miltin