jinko hum jaan se pyaron ki tarah dekhte hain
jin ko ham jaan se pyāroñ kī tarah dekhte haiñ
ham ko vo phuul bhī ḳhāroñ kī tarah dekhte haiñ
rāstā un ko dikhānā bhī zarūrī hai bahut
ham ko jo log sitāroñ kī tarah dekhte haiñ
aise bachche bhī kahāñ jaa.eñ kahāñ Duub mareñ
jin ko maañ baap ḳhasāroñ kī tarah dekhte haiñ
aisā sone sā badan hai ki use hasrat se
ham barahman bhī sunāroñ kī tarah dekhte haiñ
ro rahī hai vo lipaT kar yuuñ mire dushman se
jang ham jiit ke hāroñ kī tarah dekhte haiñ
jin ko hum jaan se pyaron ki tarah dekhte hain
hum ko wo phul bhi KHaron ki tarah dekhte hain
rasta un ko dikhana bhi zaruri hai bahut
hum ko jo log sitaron ki tarah dekhte hain
aise bachche bhi kahan jaen kahan Dub maren
jin ko man bap KHasaron ki tarah dekhte hain
aisa sone sa badan hai ki use hasrat se
hum barahman bhi sunaron ki tarah dekhte hain
ro rahi hai wo lipaT kar yun mere dushman se
jang hum jit ke haaron ki tarah dekhte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
