jin raaton mein nind uD jati hai kya qahr ki raaten hoti hain

Arzoo Lakhnavi

jin raaton mein nind uD jati hai kya qahr ki raaten hoti hain

Arzoo Lakhnavi

MORE BYArzoo Lakhnavi

    jin rātoñ meñ niiñd uḌ jaatī hai kyā qahr rāteñ hotī haiñ

    darvāzoñ se Takrā jaate haiñ dīvāroñ se bāteñ hotī haiñ

    āshob-e-judā.ī kyā kahiye an-honī bāteñ hotī haiñ

    ā.ankhoñ meñ añdherā chhātā hai jab ujālī rāteñ hotī haiñ

    jab vo nahīñ hote pahlū meñ aur lambī rāteñ hotī haiñ

    yaad aa ke satātī rahtī hai aur dil se bāteñ hotī haiñ

    ghir ghir ke bādal aate haiñ aur be-barse khul jaate haiñ

    ummīdoñ jhūTī duniyā meñ sūkhī barsāteñ hotī haiñ

    ummīd sūraj Duubā hai ā.ankhoñ meñ añdherā chhāyā hai

    duniyā-e-firāq meñ din kaisā rāteñ rāteñ hotī haiñ

    tai karnā haiñ jhagḌe jiine ke jis tarah bane kahte sunte

    bahroñ se bhī paalā paḌtā hai gūñgoñ se bhī bāteñ hotī haiñ

    ā.ankhoñ meñ kahāñ ras būñdeñ kuchh hai to lahū laalī hai

    is badlī huī rut meñ ab to ḳhūnīñ barsāteñ hotī haiñ

    qismat jaage to ham so.eñ qismat so.e to ham jāgeñ

    donoñ ko niiñd aa.e jis meñ kab aisī rāteñ hotī haiñ

    jo kaan lagā kar sunte haiñ kyā jāneñ rumūz mohabbat ke

    ab hoñT nahīñ hilne paate aur pahroñ bāteñ hotī haiñ

    jo naaz hai vo apnātā hai jo ġhamza hai vo lubhātā hai

    in rañg-birañgī pardoñ meñ ghātoñ par ghāteñ hotī haiñ

    hañsne meñ jo aañsū aate haiñ nairañg-e-jahāñ batlāte haiñ

    har roz janāze jaate haiñ har roz barāteñ hotī haiñ

    jo kuchh bhī ḳhushī se hotā hai ye dil bojh na ban jaa.e

    paimān-e-vafā bhī rahne do sab jhūTī bāteñ hotī haiñ

    jab tak hai diloñ meñ sachchā.ī sab nāz-o-niyāz vahīñ tak haiñ

    jab ḳhud-ġharzī aa jaatī hai jul hote haiñ ghāteñ hotī haiñ

    himmat kis hai jo pūchhe ye 'ārzū'-e-saudā.ī se

    kyuuñ sāhab āḳhir akele meñ ye kis se bāteñ hotī haiñ

    jin raaton mein nind uD jati hai kya qahr ki raaten hoti hain

    darwazon se Takra jate hain diwaron se baaten hoti hain

    aashob-e-judai kya kahiye an-honi baaten hoti hain

    aaankhon mein andhera chhata hai jab ujali raaten hoti hain

    jab wo nahin hote pahlu mein aur lambi raaten hoti hain

    yaad aa ke satati rahti hai aur dil se baaten hoti hain

    ghir ghir ke baadal aate hain aur be-barse khul jate hain

    ummidon ki jhuTi duniya mein sukhi barsaten hoti hain

    ummid ka suraj Duba hai aaankhon mein andhera chhaya hai

    duniya-e-firaq mein din kaisa raaten hi raaten hoti hain

    tai karna hain jhagDe jine ke jis tarah bane kahte sunte

    bahron se bhi pala paDta hai gungon se bhi baaten hoti hain

    aaankhon mein kahan ras ki bunden kuchh hai to lahu ki lali hai

    is badli hui rut mein ab to KHunin barsaten hoti hain

    qismat jage to hum soen qismat soe to hum jagen

    donon hi ko nind aae jis mein kab aisi raaten hoti hain

    jo kan laga kar sunte hain kya jaanen rumuz mohabbat ke

    ab honT nahin hilne pate aur pahron baaten hoti hain

    jo naz hai wo apnata hai jo ghamza hai wo lubhata hai

    in rang-birangi pardon mein ghaton par ghaten hoti hain

    hansne mein jo aansu aate hain nairang-e-jahan batlate hain

    har roz janaze jate hain har roz baraaten hoti hain

    jo kuchh bhi KHushi se hota hai ye dil ka bojh na ban jae

    paiman-e-wafa bhi rahne do sab jhuTi baaten hoti hain

    jab tak hai dilon mein sachchai sab naz-o-niyaz wahin tak hain

    jab KHud-gharzi aa jati hai jul hote hain ghaten hoti hain

    himmat kis ki hai jo puchhe ye 'arzu'-e-saudai se

    kyun sahab aaKHir akele mein ye kis se baaten hoti hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY