jin se Darte the marasim un hadon tak aa gae

jin se Darte the marāsim un hadoñ tak aa ga.e

aap se phir rafta rafta ḳhud se ham uktā ga.e

ret par kuchh duur tak dekhe the ham ne saaf saaf

phir ġhubār uThā koī vo naqsh bhī dhuñdhlā ga.e

ḳhud-kushī sūraj ne kar lī ye batāne ke liye

kaale rañgoñ ke parinde āsmāñ par chhā ga.e

chand jugnū haiñ yahāñ par aur musalsal tīrgī

sāhabo ham sham.a le kar kis khañDar meñ aa ga.e

vo valī hai aur na bāda-ḳhvār hai dānishvaroñ

aap bhī ham-zād se merā hī dhokā khā ga.e

jin se Darte the marasim un hadon tak aa gae

aap se phir rafta rafta KHud se hum ukta gae

ret par kuchh dur tak dekhe the hum ne saf saf

phir ghubar uTha koi wo naqsh bhi dhundhla gae

KHud-kushi suraj ne kar li ye batane ke liye

kale rangon ke parinde aasman par chha gae

chand jugnu hain yahan par aur musalsal tirgi

sahabo hum shama le kar kis khanDar mein aa gae

wo wali hai aur na baada-KHwar hai danishwaron

aap bhi ham-zad se mera hi dhoka kha gae