jin se hum chhuT gae ab wo jahan kaise hain
jin se ham chhūT ga.e ab vo jahāñ kaise haiñ
shāḳh-e-gul kaisī hai ḳhushbū ke makāñ kaise haiñ
ai sabā tū to udhar hī se guzartī hogī
us galī meñ mire pairoñ ke nishāñ kaise haiñ
pattharoñ vaale vo insān vo behis dar-o-bām
vo makīñ kaise haiñ shīshe ke makāñ kaise haiñ
kahīñ shabnam ke shagūfe kahīñ añgāroñ ke phuul
aa ke dekho mirī yādoñ ke jahāñ kaise haiñ
koī zanjīr nahīñ lā.eq-e-iz.hār-e-junūñ
ab vo zindānī-e-andāz-e-bayāñ kaise haiñ
le ke ghar se jo nikalte the junūñ kī mash.al
is zamāne meñ vo sāhab-nazarāñ kaise haiñ
yaad jin kī hameñ jiine bhī na degī 'rāhī'
dushman-e-jāñ vo masīhā-nafasāñ kaise haiñ
jin se hum chhuT gae ab wo jahan kaise hain
shaKH-e-gul kaisi hai KHushbu ke makan kaise hain
ai saba tu to udhar hi se guzarti hogi
us gali mein mere pairon ke nishan kaise hain
pattharon wale wo insan wo behis dar-o-baam
wo makin kaise hain shishe ke makan kaise hain
kahin shabnam ke shagufe kahin angaron ke phul
aa ke dekho meri yaadon ke jahan kaise hain
koi zanjir nahin laeq-e-izhaar-e-junun
ab wo zindani-e-andaz-e-bayan kaise hain
le ke ghar se jo nikalte the junun ki mashal
is zamane mein wo sahab-nazaran kaise hain
yaad jin ki hamein jine bhi na degi 'rahi'
dushman-e-jaan wo masiha-nafasan kaise hain
- Book : ajnabi-shahr-ajnabi-raaste(rekhta website) (Pg. 172)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
