jinhon ne toD diye the mere banae charagh

jinhoñ ne toḌ diye the mire banā.e charāġh

vo nauha-ḳhvāñ haiñ añdhere meñ hā.e-hā.e charāġh

shab-e-siyāh meñ donoñ haiñ mā.il-e-paikār

havā kā mashvara un kā hai merī raa.e charāġh

kisī ko ġham ki mayassar nahīñ hai māchis bhī

kisī ke baḳht meñ aa.e jale-jalā.e charāġh

kisī kī zaat se mundarja-zel haiñ mansūb

firāq shaam añgūThī gulāb chaa.e charāġh

phir aaj mahfil-e-'ushshāq meñ añdherā hai

so dil jalā.e koī yā to phir jalā.e charāġh

jinhon ne toD diye the mere banae charagh

wo nauha-KHwan hain andhere mein hae-hae charagh

shab-e-siyah mein donon hain mail-e-paikar

hawa ka mashwara un ka hai meri rae charagh

kisi ko gham ki mayassar nahin hai machis bhi

kisi ke baKHt mein aae jale-jalae charagh

kisi ki zat se mundarja-zel hain mansub

firaq sham anguThi gulab chae charagh

phir aaj mahfil-e-'ushshaq mein andhera hai

so dil jalae koi ya to phir jalae charagh