jins-e-giran thi KHubi-e-qismat nahin mili

Shahid Mahuli

jins-e-giran thi KHubi-e-qismat nahin mili

Shahid Mahuli

MORE BYShahid Mahuli

    jins-e-girāñ thī ḳhūbī-e-qismat nahīñ milī

    bikne ko ham bhī aa.e the qīmat nahīñ milī

    hañgām-e-roz-o-shab ke mashāġhil the aur bhī

    kuchh kārobār ziist se fursat nahīñ milī

    kuchh duur ham bhī saath chale the ki yuuñ huā

    kuchh mas.aloñ pe un se tabī.at nahīñ milī

    ik aañch thī ki jis se sulagtā rahā vajūd

    sho.ala jaag uTThe vo shiddat nahīñ milī

    vo be-hisī thī ḳhushk huā sabza-e-umīd

    barse jo sub.h-o-shām-o-chāhat nahīñ milī

    ḳhvāhish thī justujū bhī thī dīvāngī na thī

    sahrā-navard ban ke bhī vahshat nahīñ milī

    vo raushnī thī saa.e bhī tahlīl ho ga.e

    ā.īna-ghar meñ apnī bhī sūrat nahīñ milī

    jins-e-giran thi KHubi-e-qismat nahin mili

    bikne ko hum bhi aae the qimat nahin mili

    hangam-e-roz-o-shab ke mashaghil the aur bhi

    kuchh karobar zist se fursat nahin mili

    kuchh dur hum bhi sath chale the ki yun hua

    kuchh masalon pe un se tabiat nahin mili

    ek aanch thi ki jis se sulagta raha wajud

    shoala sa jag uTThe wo shiddat nahin mili

    wo be-hisi thi KHushk hua sabza-e-umid

    barse jo subh-o-sham-o-chahat nahin mili

    KHwahish thi justuju bhi thi diwangi na thi

    sahra-naward ban ke bhi wahshat nahin mili

    wo raushni thi sae bhi tahlil ho gae

    aaina-ghar mein apni bhi surat nahin mili

    Source
    • Book : Kahein Kuch Nahein Hota (Pg. 102)
    • Author : Shahid Mahuli
    • Publication : Miaar Publications (2003)
    • Edition : 2003
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY