jis bazm mein tu naz se guftar mein aawe

Mirza Ghalib

jis bazm mein tu naz se guftar mein aawe

Mirza Ghalib

MORE BYMirza Ghalib

    jis bazm meñ naaz se guftār meñ aave

    jaañ kālbad-e-sūrat-e-dīvār meñ aave

    saa.e tarah saath phireñ sarv o sanobar

    is qad-e-dilkash se jo gulzār meñ aave

    tab nāz-e-girāñ mā.igi-e-ashk bajā hai

    jab laḳht-e-jigar dīda-e-ḳhūñ-bār meñ aave

    de mujh ko shikāyat ijāzat ki sitamgar

    kuchh tujh ko mazā bhī mire āzār meñ aave

    us chashm-e-fusūñ-gar agar paa.e ishāra

    tuutī tarah ā.īna guftār meñ aave

    kāñToñ zabāñ suukh ga.ī pyaas se rab

    ik ābla-pā vādi-e-pur-ḳhār meñ aave

    mar jā.ūñ na kyuuñ rashk se jab vo tan-e-nāzuk

    āġhosh-e-ḳham-e-halqa-e-zunnār meñ aave

    ġhārat-gari-e-nāmūsh na ho gar havas-e-zar

    kyuuñ shāhid-e-gul baaġh se bāzār meñ aave

    tab chāk-e-garebāñ mazā hai dil-e-nālāñ

    jab ik nafas uljhā huā har taar meñ aave

    ātish-kada hai siina mirā rāz-e-nihāñ se

    ai vaa.e agar māriz-e-iz.hār meñ aave

    ganjīna-e-ma.anī tilism us ko samajhiye

    jo lafz ki 'ġhālib' mire ash.ār meñ aave

    jis bazm mein tu naz se guftar mein aawe

    jaan kalbad-e-surat-e-diwar mein aawe

    sae ki tarah sath phiren sarw o sanobar

    tu is qad-e-dilkash se jo gulzar mein aawe

    tab naz-e-giran maigi-e-ashk baja hai

    jab laKHt-e-jigar dida-e-KHun-bar mein aawe

    de mujh ko shikayat ki ijazat ki sitamgar

    kuchh tujh ko maza bhi mere aazar mein aawe

    us chashm-e-fusun-gar ka agar pae ishaara

    tuti ki tarah aaina guftar mein aawe

    kanTon ki zaban sukh gai pyas se ya rab

    ek aabla-pa wadi-e-pur-KHar mein aawe

    mar jaun na kyun rashk se jab wo tan-e-nazuk

    aaghosh-e-KHam-e-halqa-e-zunnar mein aawe

    ghaarat-gari-e-namush na ho gar hawas-e-zar

    kyun shahid-e-gul bagh se bazar mein aawe

    tab chaak-e-gareban ka maza hai dil-e-nalan

    jab ek nafas uljha hua har tar mein aawe

    aatish-kada hai sina mera raaz-e-nihan se

    ai wae agar mariz-e-izhaar mein aawe

    ganjina-e-mani ka tilism us ko samajhiye

    jo lafz ki 'ghaalib' mere ashaar mein aawe

    Videos
    This video is playing from YouTube

    Videos
    This video is playing from YouTube

    Syed Tahir Hasni

    Syed Tahir Hasni

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY