jis dam tere kuche se hum aan nikalte hain

jis dam tire kūche se ham aan nikalte haiñ

har gaam pe dahshat se be-jān nikalte haiñ

ye aan hai ai yaaro yā nok hai barchhī kī

yā siine se tīroñ ke paikān nikalte haiñ

rindoñ ne kahīñ un kī ḳhidmat maiñ be-adabī kī

jo shaiḳh jī majlis se sarsān nikalte haiñ

ye tifl-e-sarishk apne aisā ho miyāñ bahkeñ

be-tarah ye ab ghar se nādān nikalte haiñ

ye zid hai jinheñ yaaro aa jaa.eñ jo mash.had par

to thaam ke hāthoñ se dāmān nikalte haiñ

kis tarah ġhubār un tak pahuñchegā bhalā apnā

'āsif' jo kabhī ghar se ḳhūbān nikalte haiñ

jis dam tere kuche se hum aan nikalte hain

har gam pe dahshat se be-jaan nikalte hain

ye aan hai ai yaro ya nok hai barchhi ki

ya sine se tiron ke paikan nikalte hain

rindon ne kahin un ki KHidmat main be-adabi ki

jo shaiKH ji majlis se sarsan nikalte hain

ye tifl-e-sarishk apne aisa ho miyan bahken

be-tarah ye ab ghar se nadan nikalte hain

ye zid hai jinhen yaro aa jaen jo mashhad par

to tham ke hathon se daman nikalte hain

kis tarah ghubar un tak pahunchega bhala apna

'asif' jo kabhi ghar se KHuban nikalte hain