jis dam ye suna hai subh-e-watan mahbus faza-e-zindan mein

Majrooh Sultanpuri

jis dam ye suna hai subh-e-watan mahbus faza-e-zindan mein

Majrooh Sultanpuri

MORE BYMajrooh Sultanpuri

    jis dam ye sunā hai sub.h-e-vatan mahbūs fazā-e-zindāñ meñ

    jaise ki sabā ai ham-qafso betāb ham aa.e zindāñ meñ

    ho teġh-e-asar zanjīr-e-qadam phir bhī haiñ naqīb-e-manzil ham

    zaḳhmoñ se charāġh-e-rāhguzar baiThe haiñ jalā.e zindāñ meñ

    sad-chāk qabā-e-amn-o-sukūñ uryāñ hai ahinsā.ī junūñ

    kuchh ḳhuuñ se shahīdoñ ne apne vo gul haiñ khilā.e zindāñ meñ

    ye jabr-e-siyāsat ye insāñ mazlūm aaheñ majbūr fuġhāñ

    zaḳhmoñ mahak dāġhoñ dhuāñ mat pūchh fazā-e-zindāñ meñ

    ġhairoñ ḳhalish apnoñ lagan soz-e-ġham-e-jānāñ dard-e-vatan

    kyā kahiye ki ham haiñ kis kis ko siine se lagā.e zindāñ meñ

    gul bantī hai shāyad ḳhāk-e-vatan shāyad ki safar kartī hai ḳhizāñ

    ḳhushbu-e-bahārāñ miltī hai kuchh din se havā-e-zindāñ meñ

    mujrim the jo ham so qaid hue sayyād magar ab ye to batā

    har vaqt ye kis ko DhūñDte haiñ dīvār ke saa.e zindāñ meñ

    jismoñ pe ye kis nām-e-siyah likh dete haiñ koḌoñ ke nishāñ

    haiñ taak meñ kis zanjīreñ ab aañkh lagā.e zindāñ meñ

    raftār-e-zamāna lai jin gaatī hai gul-e-naġhma jin

    ham gaate haiñ un āvāzoñ se āvāz milā.e zindāñ meñ

    jis dam ye suna hai subh-e-watan mahbus faza-e-zindan mein

    jaise ki saba ai ham-qafso betab hum aae zindan mein

    ho tegh-e-asar zanjir-e-qadam phir bhi hain naqib-e-manzil hum

    zaKHmon se charagh-e-rahguzar baiThe hain jalae zindan mein

    sad-chaak qaba-e-amn-o-sukun uryan hai ahinsai ka junun

    kuchh KHun se shahidon ne apne wo gul hain khilae zindan mein

    ye jabr-e-siyasat ye insan mazlum aahen majbur fughan

    zaKHmon ki mahak daghon ka dhuan mat puchh faza-e-zindan mein

    ghairon ki KHalish apnon ki lagan soz-e-gham-e-jaanan dard-e-watan

    kya kahiye ki hum hain kis kis ko sine se lagae zindan mein

    gul banti hai shayad KHak-e-watan shayad ki safar karti hai KHizan

    KHushbu-e-bahaaran milti hai kuchh din se hawa-e-zindan mein

    mujrim the jo hum so qaid hue sayyaad magar ab ye to bata

    har waqt ye kis ko DhunDte hain diwar ke sae zindan mein

    jismon pe ye kis ka nam-e-siyah likh dete hain koDon ke nishan

    hain tak mein kis ki zanjiren ab aankh lagae zindan mein

    raftar-e-zamana lai jin ki gati hai gul-e-naghma jin ka

    hum gate hain un aawazon se aawaz milae zindan mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY