jis dil mein ho josh jawani ka pahlu mein wo ek pal kya Thahre

jis dil meñ ho josh javānī kā pahlū meñ vo ik pal kyā Thahre

jab dil hī nahīñ ho qaabū meñ to siine pe āñchal kyā Thahre

hotā hai jab surḳhī kā asar uḌ jaatā hai rañg siyāhī kā

jis aañkh meñ laalī dauḌ ga.ī us aañkh meñ kājal kyā Thahre

shīshe meñ dekh vo apnī adā jab shoḳh hasīna sharmā.e

aise meñ pasīna aa jaa.e to maañg pe sandal kyā Thahre

ho laakh bhī zulfoñ kā saaya chehra vo magar kab chhuptā hai

jab chāñd chamakne par aa.e to sāmne bādal kyā Thahre

rasta chalnā iThlānā ḳhud paañv se paañv kā Takrānā

jab chaal ho aisī matavālī to paañv meñ paa.el kyā Thahre

jis dil mein ho josh jawani ka pahlu mein wo ek pal kya Thahre

jab dil hi nahin ho qabu mein to sine pe aanchal kya Thahre

hota hai jab surKHi ka asar uD jata hai rang siyahi ka

jis aankh mein lali dauD gai us aankh mein kajal kya Thahre

shishe mein dekh wo apni ada jab shoKH hasina sharmae

aise mein pasina aa jae to mang pe sandal kya Thahre

ho lakh bhi zulfon ka saya chehra wo magar kab chhupta hai

jab chand chamakne par aae to samne baadal kya Thahre

rasta chalna iThlana KHud panw se panw ka Takrana

jab chaal ho aisi matawali to panw mein pael kya Thahre