jis gham se dil ko rahat ho us gham ka mudawa kya mani

Arsh Malsiyani

jis gham se dil ko rahat ho us gham ka mudawa kya mani

Arsh Malsiyani

MORE BYArsh Malsiyani

    jis ġham se dil ko rāhat ho us ġham mudāvā kyā ma.anī

    jab fitrat tūfānī Thahrī sāhil tamannā kyā ma.anī

    ishrat meñ rañj āmezish rāhat meñ alam ālā.ish

    jab duniyā aisī duniyā hai phir duniyā duniyā kyā ma.anī

    ḳhud shaiḳh-o-barahman mujrim haiñ ik kaam se donoñ na sake

    saaqī buḳhl-pasandī par saaqī shikvā kyā ma.anī

    jalvoñ to ye dastūr nahīñ pardoñ se kabhī bāhar aa.eñ

    ai dīda-e-be-taufīq tirā ye zauq-e-tamāshā kyā ma.anī

    iḳhlās-o-vafā ke sajdoñ jis dar par daad nahīñ miltī

    ai ġhairat-e-dil ai azm-e-ḳhudī us dar par sajda kyā ma.anī

    ai sāhib-e-naqd-o-nazar maanā insāñ nizām nahīñ achchhā

    is islāh ke parde meñ allāh se jhagḌā kyā ma.anī

    har-lahza fuzūñ ho josh-e-amal ye farz hai farz raah pe chal

    tadbīr ye ronā kaisā taqdīr shikvā kyā ma.anī

    maiḳhāne meñ ai vaa.iz ab talqīn ke kuchh uslūb badal

    allāh banda banñe ko jannat sahārā kyā ma.anī

    iz.hār-e-vafā lāzim sahī ai 'arsh' magar fariyādeñ kyuuñ

    vo baat jo sab par zāhir hai us baat charchā kyā ma.anī

    jis gham se dil ko rahat ho us gham ka mudawa kya mani

    jab fitrat tufani Thahri sahil ki tamanna kya mani

    ishrat mein ranj ki aamezish rahat mein alam ki aalaish

    jab duniya aisi duniya hai phir duniya duniya kya mani

    KHud shaiKH-o-barahman mujrim hain ek kaam se donon pi na sake

    saqi ki buKHl-pasandi par saqi ka shikwa kya mani

    jalwon ka to ye dastur nahin pardon se kabhi bahar aaen

    ai dida-e-be-taufiq tera ye zauq-e-tamasha kya mani

    iKHlas-o-wafa ke sajdon ki jis dar par dad nahin milti

    ai ghairat-e-dil ai azm-e-KHudi us dar par sajda kya mani

    ai sahib-e-naqd-o-nazar mana insan ka nizam nahin achchha

    is ki islah ke parde mein allah se jhagDa kya mani

    har-lahza fuzun ho josh-e-amal ye farz hai farz ki rah pe chal

    tadbir ka ye rona kaisa taqdir ka shikwa kya mani

    maiKHane mein tu ai waiz ab talqin ke kuchh uslub badal

    allah ka banda banne ko jannat ka sahaara kya mani

    izhaar-e-wafa lazim hi sahi ai 'arsh' magar fariyaaden kyun

    wo baat jo sab par zahir hai us baat ka charcha kya mani

    Source
    • Book : Kulliyat-e-Arsh (Pg. 27)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY