jis ki hasrat thi use pa bhi chuke kho bhi chuke

jis kī hasrat thī use pā bhī chuke kho bhī chuke

ab kisī chiiz kā ham ko nahīñ armāñ hotā

shiddat-e-dard hī hotī kahīñ ġhārat-gar-e-hosh

baḳht itnā to na barham-zan-e-sāmāñ hotā

chāra-gar koshish-e-be-sūd hai tadbīr-e-ilāj

ham na hote to maraz qābil-e-darmāñ hotā

aa hī jaatā hai bure vaqt meñ apnoñ ko ḳhayāl

koī hotā jo hamārā bhī to pursāñ hotā

pūchhte kyā ho sabab dafn-e-dil-e-zār ke ba.ad

maiñ musībat-zada ab bhī na hirāsāñ hotā

rone vāloñ ko to taqdīr se ro baiThe the

ai ajal kaun hamāre liye giryāñ hotā

ġham ko ab rakhiye kahāñ ziist kahīñ ziist bhī ho

ḳhatm qissa huā jis kā ki ye unvāñ hotā

ham to is baat pe raazī the magar ai 'nātiq'

nafs-e-kāfir bhī kisī tarah musalmāñ hotā

jis ki hasrat thi use pa bhi chuke kho bhi chuke

ab kisi chiz ka hum ko nahin arman hota

shiddat-e-dard hi hoti kahin ghaarat-gar-e-hosh

baKHt itna to na barham-zan-e-saman hota

chaara-gar koshish-e-be-sud hai tadbir-e-ilaj

hum na hote to maraz qabil-e-darman hota

aa hi jata hai bure waqt mein apnon ko KHayal

koi hota jo hamara bhi to pursan hota

puchhte kya ho sabab dafn-e-dil-e-zar ke baad

main musibat-zada ab bhi na hirasan hota

rone walon ko to taqdir se ro baiThe the

ai ajal kaun hamare liye giryan hota

gham ko ab rakhiye kahan zist kahin zist bhi ho

KHatm qissa hua jis ka ki ye unwan hota

hum to is baat pe raazi the magar ai 'natiq'

nafs-e-kafir bhi kisi tarah musalman hota