jis ki sifat qahr-o-ghazab ke siwa nahin

jis kī sifāt qahr-o-ġhazab ke sivā nahīñ

vaa.iz kā vo ḳhudā hai hamārā ḳhudā nahīñ

chāragarī kā karte the da.avā bahut magar

tum se ilāj-e-dard-e-mohabbat huā nahīñ

kyā jaane ab ke aa.ī hai kaisī ye fasl-e-gul

pahlī sī vo chaman kī mo.attar fazā nahīñ

ai charḳh tū ne saare jahāñ ko kiyā tabāh

afsos tere hāthoñ se koī bachā nahīñ

bahr-e-alam meñ roz hai tūfāñ kā sāmnā

TuuTī hai naav past magar hausla nahīñ

bhūle se bhī na karnā zamāne kā e.atibār

sab kuchh hai is jahān meñ lekin vafā nahīñ

kashtī ko ḳhauf kyā ho talātum kā ai 'riyāz'

hāfiz mirā ḳhudā hai agar nāḳhudā nahīñ

jis ki sifat qahr-o-ghazab ke siwa nahin

waiz ka wo KHuda hai hamara KHuda nahin

chaaragari ka karte the dawa bahut magar

tum se ilaj-e-dard-e-mohabbat hua nahin

kya jaane ab ke aai hai kaisi ye fasl-e-gul

pahli si wo chaman ki moattar faza nahin

ai charKH tu ne sare jahan ko kiya tabah

afsos tere hathon se koi bacha nahin

bahr-e-alam mein roz hai tufan ka samna

TuTi hai naw past magar hausla nahin

bhule se bhi na karna zamane ka eatibar

sab kuchh hai is jahan mein lekin wafa nahin

kashti ko KHauf kya ho talatum ka ai 'riyaz'

hafiz mera KHuda hai agar naKHuda nahin