jis ko apna bana liya tu ne

jis ko apnā banā liyā tū ne

us ko sab kuchh atā kiyā tū ne

ai sitamgar ye kyā kiyā tū ne

apnā ghar bhī jalā liyā tū ne

gumrahī meñ paḌe hue the log

manziloñ kā pata diyā tū ne

pīchhe pīchhe jo mere chalte the

un ko aage baḌhā diyā tū ne

pārsā.ī kā jis ko da.avā thā

us ko mai-kash banā diyā tū ne

buġhz-o-nafrat kā ye natīja hai

dostoñ ko bhulā diyā tū ne

har kisī ko haqīr samjhe hai

ḳhud ko kitnā girā diyā tū ne

fikr manzil kī jab huī 'rāhī'

naqsh-e-pā hī miTā diyā tū ne

jis ko apna bana liya tu ne

us ko sab kuchh ata kiya tu ne

ai sitamgar ye kya kiya tu ne

apna ghar bhi jala liya tu ne

gumrahi mein paDe hue the log

manzilon ka pata diya tu ne

pichhe pichhe jo mere chalte the

un ko aage baDha diya tu ne

parsai ka jis ko dawa tha

us ko mai-kash bana diya tu ne

bughz-o-nafrat ka ye natija hai

doston ko bhula diya tu ne

har kisi ko haqir samjhe hai

KHud ko kitna gira diya tu ne

fikr manzil ki jab hui 'rahi'

naqsh-e-pa hi miTa diya tu ne