jis ko qarib paya usi se lipaT gae

jis ko qarīb paayā usī se lipaT ga.e

sūraj Dhalā to log qabīloñ meñ baT ga.e

vo gul-parast jin pe bahāroñ ko naaz thā

aa.ī ḳhizāñ to pā-e-ḳhizāñ se lipaT ga.e

kis kis kī maiñ hujūm meñ āñkheñ nikāltā

achchhā huā ki aap darīche se haT ga.e

jo qahqahe kī jaañ se ziyāda aziiz the

zinda-dilī ke naam pe kal vo bhī baT ga.e

ThiThure hue badan ko harārat na mil sakī

chhat par chaḌhe to dhuup ke saa.e simaT ga.e

jin hausloñ pe koh-e-girāñ kā gumān thā

āñdhī chalī to saikḌoñ hissoñ meñ baT ga.e

jis ko qarib paya usi se lipaT gae

suraj Dhala to log qabilon mein baT gae

wo gul-parast jin pe bahaaron ko naz tha

aai KHizan to pa-e-KHizan se lipaT gae

kis kis ki main hujum mein aankhen nikalta

achchha hua ki aap dariche se haT gae

jo qahqahe ki jaan se ziyaada aziz the

zinda-dili ke nam pe kal wo bhi baT gae

ThiThure hue badan ko hararat na mil saki

chhat par chaDhe to dhup ke sae simaT gae

jin hauslon pe koh-e-giran ka guman tha

aandhi chali to saikDon hisson mein baT gae