jis kun dard-e-jigar ki lazzat hai

jis kuuñ dard-e-jigar kī lazzat hai

zahar us kuuñ misāl-e-amrat hai

dekh tujh naaz kī nazākat kuuñ

nighat-e-gul shahīd-e-hairat hai

kam-numā.ī siiñ us qamar-rū kuuñ

māh-e-nau kī misāl shohrat hai

merī āñkhoñ meñ yaar kī tasvīr

aks-e-ā.īna-e-mohabbat hai

jhāñjh meñ kyuuñ na aave dil merā

tujh judā.ī kī mujh ko naubat hai

kyā chukā bū hai zulf meñ terī

aarsī jis kuuñ dekh chakrat hai

vasl meñ iztirāb jaatā nahīñ

sau qaran mujh kuuñ ek saa.at hai

misl-e-ā.īna kar namad-poshī

sāfī-e-sīna tark-e-zīnat hai

phir patañgoñ kā shor uTThā 'sirāj'

jalva-e-sham.a-rū qayāmat hai

jis kun dard-e-jigar ki lazzat hai

zahar us kun misal-e-amrat hai

dekh tujh naz ki nazakat kun

nighat-e-gul shahid-e-hairat hai

kam-numai sin us qamar-ru kun

mah-e-nau ki misal shohrat hai

meri aankhon mein yar ki taswir

aks-e-aina-e-mohabbat hai

jhanjh mein kyun na aawe dil mera

tujh judai ki mujh ko naubat hai

kya chuka bu hai zulf mein teri

aarsi jis kun dekh chakrat hai

wasl mein iztirab jata nahin

sau qaran mujh kun ek saat hai

misl-e-aina kar namad-poshi

safi-e-sina tark-e-zinat hai

phir patangon ka shor uTTha 'siraj'

jalwa-e-shama-ru qayamat hai