jis taraf dekhiye bazar udasi ka hai
jis taraf dekhiye bāzār udāsī kā hai
shahr meñ kaun ḳharīdār udāsī kā hai
ab to āñkhoñ meñ bhī aañsū nahīñ aate mere
ye alag ruup mire yaar udāsī kā hai
ruuh bechārī pareshāñ hai kahāñ jaa.e ab
is qadar jism pe ab baar udāsī kā hai
apne hone kā gumāñ tak nahīñ hotā mujh ko
jaane ye kaun sā me.aar udāsī kā hai
ab ye ehsās hamesha mujhe hotā hai dost
mujh meñ ik shaḳhs talabgār udāsī kā hai
aa.ina dekh ke ma.alūm huā hai mujh ko
zaḳhm chehre pe bhī is baar udāsī kā hai
ye udāsī mujhe tanhā nahīñ rahne detī
haañ tire ba.ad ye upkār udāsī kā hai
jis taraf dekhiye bazar udasi ka hai
shahr mein kaun KHaridar udasi ka hai
ab to aankhon mein bhi aansu nahin aate mere
ye alag rup mere yar udasi ka hai
ruh bechaari pareshan hai kahan jae ab
is qadar jism pe ab bar udasi ka hai
apne hone ka guman tak nahin hota mujh ko
jaane ye kaun sa mear udasi ka hai
ab ye ehsas hamesha mujhe hota hai dost
mujh mein ek shaKHs talabgar udasi ka hai
aaina dekh ke malum hua hai mujh ko
zaKHm chehre pe bhi is bar udasi ka hai
ye udasi mujhe tanha nahin rahne deti
han tere baad ye upkar udasi ka hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
