jis waqt uski chashm se hum chaar ho chale

jis vaqt us kī chashm se ham chaar ho chale

goyā ki do-jahāñ se ḳhabar-dār ho chale

ārām-o-sabr-o-tāb-o-tavāñ hosh kyā qarār

iitī matā.a de ke tujhe ḳhvār ho chale

kuchh qadr jān-o-dil ko agar ho to le vale

kahne ko ham bhī us ke ḳharīdār ho chale

go jal ke ḳhaak ho ga.e yā ḳhush rahe to kyā

aa.e the is jahān meñ be-yār ho chale

ma.alūm ye huā ki ġharaz dil se thī jo ab

le dil ko vūhīñ yaar se aġhyār ho chale

aamad meñ jo maza hai so āvurd meñ nahīñ

kahne ko ham bhī sāhib-e-ash.ār ho chale

āñjhū nahīñ mizha pe 'alī' ye ba-qaul-e-tarz

the dil ke aable so numūdār ho chale

jis waqt us ki chashm se hum chaar ho chale

goya ki do-jahan se KHabar-dar ho chale

aaram-o-sabr-o-tab-o-tawan hosh kya qarar

iti mataa de ke tujhe KHwar ho chale

kuchh qadr jaan-o-dil ko agar ho to le wale

kahne ko hum bhi us ke KHaridar ho chale

go jal ke KHak ho gae ya KHush rahe to kya

aae the is jahan mein be-yar ho chale

malum ye hua ki gharaz dil se thi jo ab

le dil ko wuhin yar se aghyar ho chale

aamad mein jo maza hai so aawurd mein nahin

kahne ko hum bhi sahib-e-ashaar ho chale

aanjhu nahin mizha pe 'ali' ye ba-qaul-e-tarz

the dil ke aable so numudar ho chale