jise chain mera aziz ho mujhe umr ki wo dua na de

jise chain merā 'azīz ho mujhe 'umr kī vo du'ā na de

hai qazā kī ab mujhe aarzū mire rab mujhe tū shifā na de

mire dil meñ yaaro jo zaḳhm haiñ baḌe jāñ-gudāz haiñ jāñ-gusil

na bacheñge ab to ye jism-o-jāñ koī us ko merā patā na de

mujhe sañg terā 'azīz hai mirī saañs tere qarīb hai

mujhe apne saath hī le ke chal mujhe rāsta tū nayā na de

kabhī ham ḳhirad se the āshnā hue ab haiñ ahl-e-junūñ-nashīñ

is hālat-e-ġham-e-hijr meñ koī aa ke ham ko uThā na de

jise chain mera 'aziz ho mujhe 'umr ki wo du'a na de

hai qaza ki ab mujhe aarzu mere rab mujhe tu shifa na de

mere dil mein yaro jo zaKHm hain baDe jaan-gudaz hain jaan-gusil

na bachenge ab to ye jism-o-jaan koi us ko mera pata na de

mujhe sang tera 'aziz hai meri sans tere qarib hai

mujhe apne sath hi le ke chal mujhe rasta tu naya na de

kabhi hum KHirad se the aashna hue ab hain ahl-e-junun-nashin

is haalat-e-gham-e-hijr mein koi aa ke hum ko uTha na de