jise garm-iKHtilati ki laga de dil mein tu aatish

Waliullah Muhib

jise garm-iKHtilati ki laga de dil mein tu aatish

Waliullah Muhib

MORE BYWaliullah Muhib

    jise garm-iḳhtilātī lagā de dil meñ ātish

    phir us ke sañg-e-turbat se nahīñ bujhtī kabhū ātish

    lagā.ī ne yaañ tak mai-kade meñ tund-ḳhū ātish

    ki pyālā hai pur-ātish aur surāhī tā-gulū ātish

    ye ātish baaġh meñ ham ne lagī dekhī thī kal tujh bin

    nasīm ātish chaman ātish gul ātish gul ātish

    likheñ ham kis tarah kāġhaz par apnā soz-e-dil tujh ko

    ki dil ātish zabāñ ātish dam ātish guftugū ātish

    taf-e-dil ke bujhāne ko hamārī ḳhaak par saaqī

    chhīḌaknā hai mai-gulgūñ az-dast-e-subū ātish

    hamāre āshiyāñ ke ḳhār-o-ḳhas ke tār-o-sozan se

    kar is chaak qabā se sho.ale ko apne rafū ātish

    'muhib' ke dil meñ dāġh-e-ishq kyūñkar na gul phūTe

    ki detā hai bajā.e aab āñkhoñ se lahū ātish

    jise garm-iKHtilati ki laga de dil mein tu aatish

    phir us ke sang-e-turbat se nahin bujhti kabhu aatish

    lagai tu ne yan tak mai-kade mein tund-KHu aatish

    ki pyala hai pur-atish aur surahi ta-gulu aatish

    ye aatish bagh mein hum ne lagi dekhi thi kal tujh bin

    nasim aatish chaman aatish gul aatish gul ki bu aatish

    likhen hum kis tarah kaghaz par apna soz-e-dil tujh ko

    ki dil aatish zaban aatish dam aatish guftugu aatish

    taf-e-dil ke bujhane ko hamari KHak par saqi

    chhiDakna hai mai-gulgun ki az-dast-e-subu aatish

    hamare aashiyan ke KHar-o-KHas ke tar-o-sozan se

    kar is chaak qaba se shoale ko apne rafu aatish

    'muhib' ke dil mein dagh-e-ishq ka kyunkar na gul phuTe

    ki deta hai bajae aab aankhon se lahu aatish

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now