jise hum DhunDte phirte rahe har ek mahfil mein

jise ham DhūñDte phirte rahe har ek mahfil meñ

sharāb-e-ishq vo ham ko milī mai-ḳhāna-e-dil meñ

ye āñkheñ jab bhī rotī haiñ bhigo detī haiñ aariz ko

baḌā gahrā ta'alluq hai samundar aur sāhil meñ

jahāñ par adl kā parcham har ik parcham se ūñchā ho

samajh lenā vahī behtar qabīla hai qabā.il meñ

mujhe to shā.erī karne kī bhī fursat nahīñ miltī

ulajh jaatā huuñ aksar maiñ riyāzī ke masā.il meñ

hamīñ ne dekhī hai tārīḳh kī sab se burī hijrat

diloñ se log nikle aur base jā kar mobile meñ

jo ye kahte haiñ ham ne to qayāmat ko nahīñ dekhā

'hayāt' un se ye kahtā hai kabhī jhāñko mire dil meñ

jise hum DhunDte phirte rahe har ek mahfil mein

sharab-e-ishq wo hum ko mili mai-KHana-e-dil mein

ye aankhen jab bhi roti hain bhigo deti hain aariz ko

baDa gahra ta'alluq hai samundar aur sahil mein

jahan par adl ka parcham har ek parcham se uncha ho

samajh lena wahi behtar qabila hai qabail mein

mujhe to shaeri karne ki bhi fursat nahin milti

ulajh jata hun aksar main riyazi ke masail mein

hamin ne dekhi hai tariKH ki sab se buri hijrat

dilon se log nikle aur base ja kar mobile mein

jo ye kahte hain hum ne to qayamat ko nahin dekha

'hayat' un se ye kahta hai kabhi jhanko mere dil mein