jise humne kabhi dekha nahin hai

jise ham ne kabhī dekhā nahīñ hai

use kyā jaane kyā hai kyā nahīñ hai

tirī āñkhoñ se dil kī vādiyoñ tak

koī bhī rāh-rau pahuñchā nahīñ hai

jo pyāsī ruuh ko sairāb kar de

vo bādal aaj tak barsā nahīñ hai

shajar ke ho ga.e kyuuñ zard chehre

koī patta abhī sūkhā nahīñ hai

mirī tishna-labī pe hañsne vaalo

khaḌā huuñ maiñ jahāñ sahrā nahīñ hai

hue haiñ log pyāse qatl jab se

kisī dariyā pe ab pahrā nahīñ hai

takabbur kī chaTāneñ haiñ ye 'ahsan'

jo aayā hai yahāñ Thahrā nahīñ hai

jise hum ne kabhi dekha nahin hai

use kya jaane kya hai kya nahin hai

teri aankhon se dil ki wadiyon tak

koi bhi rah-rau pahuncha nahin hai

jo pyasi ruh ko sairab kar de

wo baadal aaj tak barsa nahin hai

shajar ke ho gae kyun zard chehre

koi patta abhi sukha nahin hai

meri tishna-labi pe hansne walo

khaDa hun main jahan sahra nahin hai

hue hain log pyase qatl jab se

kisi dariya pe ab pahra nahin hai

takabbur ki chaTanen hain ye 'ahsan'

jo aaya hai yahan Thahra nahin hai