jism hi pamal ho jae to sar kya kijiye

Ezaz Afzal

jism hi pamal ho jae to sar kya kijiye

Ezaz Afzal

MORE BYEzaz Afzal

    jism pāmāl ho jaa.e to sar kyā kījiye

    jaan to ham ko bhī pyārī hai magar kyā kījiye

    dekhte rahiye sahar ke ḳhvāb jhūTe sahī

    mashġhala ye bhī na ho to raat bhar kyā kījiye

    guftugū se rafta rafta ḳhāmushī tak aa ga.e

    aur harf-e-mudda.ā ko muḳhtasar kyā kījiye

    har nazar turfa tamāshā har qadam manzil na.ī

    sair se fursat nahīñ miltī safar kyā kījiye

    kaun jaane kitne baazū nazr-e-tūfāñ ho ga.e

    phuul phal giniye shumār-e-bāl-o-par kyā kījiye

    jazba-e-ābād-kārī lā.eq-e-tahsīñ magar

    pattharoñ ke shahr meñ shīshoñ ke ghar kyā kījiye

    saḳht-jānī apnī qismat zañg ḳhanjar nasīb

    kashmakash meñ jaan hai 'afzal' magar kyā kījiye

    jism hi pamal ho jae to sar kya kijiye

    jaan to hum ko bhi pyari hai magar kya kijiye

    dekhte rahiye sahar ke KHwab jhuTe hi sahi

    mashghala ye bhi na ho to raat bhar kya kijiye

    guftugu se rafta rafta KHamushi tak aa gae

    aur harf-e-muddaa ko muKHtasar kya kijiye

    har nazar turfa tamasha har qadam manzil nai

    sair se fursat nahin milti safar kya kijiye

    kaun jaane kitne bazu nazr-e-tufan ho gae

    phul phal giniye shumar-e-baal-o-par kya kijiye

    jazba-e-abaad-kari laeq-e-tahsin magar

    pattharon ke shahr mein shishon ke ghar kya kijiye

    saKHt-jaani apni qismat zang KHanjar ka nasib

    kashmakash mein jaan hai 'afzal' magar kya kijiye

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY