jism KHamosh si taswir hua jata hai

jism ḳhāmosh sī tasvīr huā jaatā hai

ab tirā hijr le ta.amīr huā jaatā hai

rabt jab ek kī taqdīr se ho jaa.e to phir

kyā kisī aur kī taqdīr huā jaatā hai

ruḳh ukere hue maazī kī kahānī ke nuqūsh

ab ġham-e-hijr kī tash.hīr huā jaatā hai

aks ubhre shab-e-furqat meñ jo dīvāroñ par

vaqt mere liye shamshīr huā jaatā hai

tū bhī ab dekh le is sabr ke dāman ko sameT

zabt merā bhī ab āḳhīr huā jaatā hai

us ne jaane kā kahā maiñ ne bhī rokā hī nahīñ

kyā kabhī paañv kī zanjīr huā jaatā hai

haa.e ġhazleñ tirī dil chiir ke rakh deñgī 'shahāb'

chand arse meñ kahāñ 'mīr' huā jaatā hai

jism KHamosh si taswir hua jata hai

ab tera hijr le tamir hua jata hai

rabt jab ek ki taqdir se ho jae to phir

kya kisi aur ki taqdir hua jata hai

ruKH ukere hue mazi ki kahani ke nuqush

ab gham-e-hijr ki tashhir hua jata hai

aks ubhre shab-e-furqat mein jo diwaron par

waqt mere liye shamshir hua jata hai

tu bhi ab dekh le is sabr ke daman ko sameT

zabt mera bhi ab aaKHir hua jata hai

us ne jaane ka kaha main ne bhi roka hi nahin

kya kabhi panw ki zanjir hua jata hai

hae ghazlen teri dil chir ke rakh dengi 'shahab'

chand arse mein kahan 'mir' hua jata hai