jism ki diwar ke bahar na dekh

jism kī dīvār ke bāhar na dekh

dūsroñ kī aañkh se manzar na dekh

dushmanoñ kī ḳhāmiyoñ par rakh nazar

dostoñ ke haath meñ ḳhanjar na dekh

dahr meñ rakh har nafas se ḳhud ġharaz

ghar ke hote aur koī ghar na dekh

yuuñ bhī hai tujh ko bikharnā ek din

zaat ke ā.īne se bāhar na dekh

be-qarārī hī muqaddar hai tirā

nāz-o-andāz-e-dil-e-muztar na dekh

ho chukī 'ḳhanda' har ik sozish tamām

be-sabab ab raakh ke andar na dekh

jism ki diwar ke bahar na dekh

dusron ki aankh se manzar na dekh

dushmanon ki KHamiyon par rakh nazar

doston ke hath mein KHanjar na dekh

dahr mein rakh har nafas se KHud gharaz

ghar ke hote aur koi ghar na dekh

yun bhi hai tujh ko bikharna ek din

zat ke aaine se bahar na dekh

be-qarari hi muqaddar hai tera

naz-o-andaz-e-dil-e-muztar na dekh

ho chuki 'KHanda' har ek sozish tamam

be-sabab ab rakh ke andar na dekh