jism ko jaan ka sira parda-e-ranai kar

jism ko jaañ kā sirā parda-e-ra.anā.ī kar

saa.e ko dhuup kī mānind na harjā.ī kar

fikr ko zehn kī dīvār pe tasvīr banā

aañkh ko mad.h-sarā dil ko tamāshā.ī kar

haiñ tirī zaat meñ bhī bū-qalamūñ hañgāme

tū magar ḳhud ko zarā ḳhūgar-e-tanhā.ī kar

shahr-dar-shahr tirā naam nikaltā jaa.e

ai sitamgar mirī jī khol ke rusvā.ī kar

'ain-mumkin hai ki ho jaa.e yahī sajda qubūl

apnī dahlīz pe tū nāsiya-farsā.ī kar

marne vāloñ ko jilāne kā takalluf kyā hai

jiite jī mar ga.e jo un kī masīhā.ī kar

'shaukat' ab āñsuoñ meñ bhiig rahī hai āvāz

dard bahne lagā hai zamzama-ārā.ī kar

jism ko jaan ka sira parda-e-ranai kar

sae ko dhup ki manind na harjai kar

fikr ko zehn ki diwar pe taswir bana

aankh ko madh-sara dil ko tamashai kar

hain teri zat mein bhi bu-qalamun hangame

tu magar KHud ko zara KHugar-e-tanhai kar

shahr-dar-shahr tera nam nikalta jae

ai sitamgar meri ji khol ke ruswai kar

'ain-mumkin hai ki ho jae yahi sajda qubul

apni dahliz pe tu nasiya-farsai kar

marne walon ko jilane ka takalluf kya hai

jite ji mar gae jo un ki masihai kar

'shaukat' ab aansuon mein bhig rahi hai aawaz

dard bahne laga hai zamzama-arai kar