jitna tha jina ji liye mar jaana chahiye
jitnā thā jiinā jī liye mar jaanā chāhiye
had ho ga.ī to had se guzar jaanā chāhiye
Thahre hue haiñ kab se ye mehmān kī tarah
āñkhoñ se āñsuoñ ko bikhar jaanā chāhiye
ye kyā ki roz qisse meñ tum sher hī bano
yaaro kabhī kabhār to Dar jaanā chāhiye
us kī galī meñ jaur-o-jafā aam hai bahut
us kī galī meñ yaar magar jaanā chāhiye
ab ke to ma.arka hai bahut saḳht ziist kā
ab ke to ma.arke meñ ye sar jaanā chāhiye
chal to rahe haiñ log yahāñ qāfile ke saath
lekin pata nahīñ hai kidhar jaanā chāhiye
yuuñ to mushā.eron se ye jī bhar gayā magar
kahnā 'obaid' kā hai 'qamar' jaanā chāhiye
jitna tha jina ji liye mar jaana chahiye
had ho gai to had se guzar jaana chahiye
Thahre hue hain kab se ye mehman ki tarah
aankhon se aansuon ko bikhar jaana chahiye
ye kya ki roz qisse mein tum sher hi bano
yaro kabhi kabhaar to Dar jaana chahiye
us ki gali mein jaur-o-jafa aam hai bahut
us ki gali mein yar magar jaana chahiye
ab ke to marka hai bahut saKHt zist ka
ab ke to marke mein ye sar jaana chahiye
chal to rahe hain log yahan qafile ke sath
lekin pata nahin hai kidhar jaana chahiye
yun to mushaeron se ye ji bhar gaya magar
kahna 'obaid' ka hai 'qamar' jaana chahiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
