jitne dariya hain samundar ki taraf khulte hain

jitne dariyā haiñ samundar kī taraf khulte haiñ

ham bhī dariyā haiñ par andar kī taraf khulte haiñ

hujra-e-zaḳhm se bāhar kī koī raah nahīñ

kuchh darīche haiñ jo andar kī taraf khulte haiñ

shāḳh-e-duniyā pe bas ik phuul hai chehra us kā

dil bhī aksar usī manzar kī taraf khulte haiñ

saare sahrāoñ pe darvāza hai tanhā.ī mirī

saare vīrāne mire ghar kī taraf khulte haiñ

ḳhuun kī dhaar ko mā'lūm hai manzil apnī

sab gale apne hī ḳhanjar kī taraf khulte haiñ

sab kī miTTī meñ haiñ kuchh rāste andar andar

jo kahīñ duur samundar kī taraf khulte haiñ

jitne dariya hain samundar ki taraf khulte hain

hum bhi dariya hain par andar ki taraf khulte hain

hujra-e-zaKHm se bahar ki koi rah nahin

kuchh dariche hain jo andar ki taraf khulte hain

shaKH-e-duniya pe bas ek phul hai chehra us ka

dil bhi aksar usi manzar ki taraf khulte hain

sare sahraon pe darwaza hai tanhai meri

sare virane mere ghar ki taraf khulte hain

KHun ki dhaar ko ma'lum hai manzil apni

sab gale apne hi KHanjar ki taraf khulte hain

sab ki miTTi mein hain kuchh raste andar andar

jo kahin dur samundar ki taraf khulte hain