jitne log nazar aate hain sab ke sab begane hain
jitne log nazar aate haiñ sab ke sab begāne haiñ
aur vahī haiñ duur nazar se jo jāne-pahchāne haiñ
zanjīroñ kā bojh liye haiñ be-dīvār ke zindāñ meñ
phir bhī kuchh āvāz nahīñ hai kaise ye dīvāne haiñ
bach bach kar chalte haiñ har-dam shīshe kī dīvāroñ se
kaun kahe dīvāna un ko ye to sab farzāne haiñ
ḳhud hī bujhā dete haiñ sham.eñ raushniyoñ se ghabrā kar
is mahfil meñ ai logo kuchh aise bhī parvāne haiñ
sayyādoñ ne gul-chīnoñ ne gulshan ko tārāj kiyā
lekin ham dīvānoñ se ābād abhī vīrāne haiñ
un kā ġham hai apnā ġham hai apne parā.e sab kā ġham
shahr-e-vafā meñ phir bhī 'farhat' aur ka.ī ġham-ḳhāne haiñ
jitne log nazar aate hain sab ke sab begane hain
aur wahi hain dur nazar se jo jaane-pahchane hain
zanjiron ka bojh liye hain be-diwar ke zindan mein
phir bhi kuchh aawaz nahin hai kaise ye diwane hain
bach bach kar chalte hain har-dam shishe ki diwaron se
kaun kahe diwana un ko ye to sab farzane hain
KHud hi bujha dete hain shamen raushniyon se ghabra kar
is mahfil mein ai logo kuchh aise bhi parwane hain
sayyaadon ne gul-chinon ne gulshan ko taraj kiya
lekin hum diwanon se aabaad abhi virane hain
un ka gham hai apna gham hai apne parae sab ka gham
shahr-e-wafa mein phir bhi 'farhat' aur kai gham-KHane hain
Source:
Shishe Aur Patthar (Pg. 20)
- Author: Farhat Qadri
-
- Edition: 1997
- Publisher: Farhat Qadri
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
