jiya ba-kaam kab is baKHt-e-arjumand se main

jiyā ba-kām kab is baḳht-e-arjumand se maiñ

phañsā qafas meñ jo chhūTā chaman ke band se maiñ

hai go ki jazb mirā tār-e-ankabūt se sust

ye sher phāñse haiñ aksar isī kamand se maiñ

kabhū de bazm meñ apnī mujhe bhī ruḳhsat-e-soz

gayā asar meñ mirī jaan kyā sipand se maiñ

jo talḳhiyeñ ki zaḳhīra maiñ kī haiñ ġham meñ tire

na un se ek ko badlūñ hazār qand se maiñ

butān-e-dahr se 'qā.em' kiyā maiñ kis ko pasand

huuñ ab hamesha nadāmat meñ jis pasand se maiñ

jiya ba-kaam kab is baKHt-e-arjumand se main

phansa qafas mein jo chhuTa chaman ke band se main

hai go ki jazb mera tar-e-ankabut se sust

ye sher phanse hain aksar isi kamand se main

kabhu de bazm mein apni mujhe bhi ruKHsat-e-soz

gaya asar mein meri jaan kya sipand se main

jo talKHiyen ki zaKHira main ki hain gham mein tere

na un se ek ko badlun hazar qand se main

butan-e-dahr se 'qaem' kiya main kis ko pasand

hun ab hamesha nadamat mein jis pasand se main