jo abhi mera hai tere sang hona chahiye

jo abhī merā hai tere sañg honā chāhiye

chāhtā huuñ haath yuuñ bhī tañg honā chāhiye

bas yahī kuchh soch kar dil meñ tire maiñ aa basā

koī is ghar meñ tirā pāsañg honā chāhiye

kab talak ye band kamre aur galī-kūchoñ kā ḳhauf

zindagī meñ koī to āhañg honā chāhiye

pahle phere meñ to duniyā mujh se pīchhe rah ga.ī

pair meñ ab ke mire kuchh lañg honā chāhiye

koī maujoñ se yūñhī aTkheliyāñ karte rahe

aur sāhil par kisī ko tañg honā chāhiye

sañg-dil laḌkoñ se majnūñ ko bachāne ke liye

haath meñ tere bhī lailā sañg honā chāhiye

titliyāñ 'manzar' laḌakpan meñ jo ham ko de ga.iiñ

apne hāthoñ par vahī ab rañg honā chāhiye

jo abhi mera hai tere sang hona chahiye

chahta hun hath yun bhi tang hona chahiye

bas yahi kuchh soch kar dil mein tere main aa basa

koi is ghar mein tera pasang hona chahiye

kab talak ye band kamre aur gali-kuchon ka KHauf

zindagi mein koi to aahang hona chahiye

pahle phere mein to duniya mujh se pichhe rah gai

pair mein ab ke mere kuchh lang hona chahiye

koi maujon se yunhi aTkheliyan karte rahe

aur sahil par kisi ko tang hona chahiye

sang-dil laDkon se majnun ko bachane ke liye

hath mein tere bhi laila sang hona chahiye

titliyan 'manzar' laDakpan mein jo hum ko de gain

apne hathon par wahi ab rang hona chahiye