jo apni palkon pe aansu sajae rakhte hain

jo apnī palkoñ pe aañsū sajā.e rakhte haiñ

vo āstīnoñ meñ ḳhanjar chhupā.e rakhte haiñ

jinheñ sikhāyā thā tahzīb kā sabaq ham ne

hamāre baare meñ sañgīn raa.e rakhte haiñ

ridā-e-sabr meñ lipTe hue ye sant faqīr

samasyāoñ kā uttam upaa.e rakhte haiñ

vafā ke ḳhuun kī surḳhī ke saath chehre par

ham un kī yaad ke zevar sajā.e rakhte haiñ

marīz-rañgoñ meñ apne ye barg-hā-e-ḳhizāñ

hayāt-e-nau kā tabassum chhupā.e rakhte haiñ

ye husn-e-fikr hai arbāb-e-nazar kā ki sadā

sukūt meñ bhī ishāre kinā.e rakhte haiñ

ġhurūr se tirī gardan tanī huī kyoñ hai

ki sar to kāñdhoñ pe ham bhī uThā.e rakhte haiñ

jo apni palkon pe aansu sajae rakhte hain

wo aastinon mein KHanjar chhupae rakhte hain

jinhen sikhaya tha tahzib ka sabaq hum ne

hamare bare mein sangin rae rakhte hain

rida-e-sabr mein lipTe hue ye sant faqir

samasyaon ka uttam upae rakhte hain

wafa ke KHun ki surKHi ke sath chehre par

hum un ki yaad ke zewar sajae rakhte hain

mariz-rangon mein apne ye barg-ha-e-KHizan

hayat-e-nau ka tabassum chhupae rakhte hain

ye husn-e-fikr hai arbab-e-nazar ka ki sada

sukut mein bhi ishaare kinae rakhte hain

ghurur se teri gardan tani hui kyon hai

ki sar to kandhon pe hum bhi uThae rakhte hain